Silikon vadisi haradır? Silikon vadisi haqda bunları mütləq bilməlisiniz!

Silikon vadisi müasir zamanda texnologiyanın “ürəyi” olaraq bilinir. Texnologiya baxımından dünyada öz sözünü demiş, elektronika və İT sahəsində ixtisaslaşmış çox sayda ABŞ şirkətinin olduğu bölgədir. Orijinal adı “Silicon Valley” olaraq bilinir. Silikon vadisində fərqli beynəlxalq şirkətlərin də ofisləri vardır.  

Silikon vadisi Amerikada mərkəzi Santa Klara vadisində yer alır. Bu bölgənin dünyada çox böyük nüfuza malik olmasının ən böyük səbəbi ABŞ-ın Stanford universitetidir. Bu elm ocağı San Fransiskonun 40 km cənub-şərqində yerləşir. Bir zamanlar vadi, hələ bu qədər məşhur məkan olmamışdan əvvəl uzun illər tam mənası ilə çölün ortasında tək qalmışdır. Universitetin texnologiyaya meyl etməsi səbəbi ilə Silikon vadisi indiki məşhurluğuna çatmış və dünyanın ən prestijli məkanlarından biri olmuşdur. Əgər diqqət etsəniz vadidə yerləşən  şirkətlərinin ortaq nöqtəsi sahiblərinin həmin Stanford universitetdən məzun olmasıdır. 

Silikon vadisi ideyası böyük işsizlik böhranı səbəbi ilə ortaya çıxdı. Stanford universitetinin mühəndislik professoru Frederick Terman tələbələri üçün daha çox iş imkanı yaratmaq istədi. Tələbələrinin texnologiya sahəsində inkişafına şərait yaratdı. İkinci dünya müharibəsindən sonra Vaşinqtondakı əlaqələrindən maddi dəstək aldı. Bundan sonra Stanford sənaye parkını quraraq yerli müəssisələrlə universitet arasında qarşılıqlı əlaqələri möhkəmləndırməyə başladı. Stanford universiteti, Eastman Kodak, Lockheed, Varian Associates, General Electric və Hewlett-Packard kimi şirkətlər də buradan kirayə yer götürdülər. 1955-ci ildə parkda biotexnoloji şirkətlərdə öz yerini tutmağa başladı. 1957-ci ildə İntel-də daxil olmaq üzərə fərqli sahələrdən 38 fərqli şirkət burada öz yerini tutmuşdu. Microsoft, Intel, Apple və Xerox kimi dünya iqtisadiyyatına böyük təsir edən şirkətlər də bu vadinin ilk şirkətlərindəndir. 

Silikon vadisinin texnoloji şirkətlərin məskəni olmasınının bir çox səbəbi var bunlar:

İkinci dünya müharibəsi- ikinci dünya müharibəsi “Golden Gate” körpüsü vasitəsi ilə vadiyə çoxlu insanların gəlməsinə səbəb oldu. Bəzi insanlar şəhərin havasına bəziləri aurasına heyran qalaraq burada məskən saldı. Vəzifədən azad edilən hərbiçilərin bir çoxu şəhərə geri dönüb başqa sahələrdə özlərini sınağa başladılar.

Stanford universiteti –  yuxarıda söz açdığımız kimin bu universitetin var olması Silikon vadisinin yaranmasında və inkişafında böyük rol oynamışdır. 

İntel- İntel şirkətinin quruluşu və bu şirkətin xidmətləri gələcəkdəki şirkətlərin təməlini yaratdı.

HP – texnologiya nəhəngi HP şirkətinin quruluşunun Silikon vadisinin inkişafında müstəsna rolu var. Hewlett və Packard Stanford universitetindən məzun olduqdan sonra universitet bu cütlüyə şirkəti qurmaq üçün maliyyə dəstəyi verdilər. 20-ci əsrin ikinci yarısında dünya nəhəngi oldular. Cütlük universitetdən aldıqları borcu artıqlaması ilə ödədilər.

 


 

Silikon vadisi haradır? Silikon vadisi haqda bunları mütləq bilməlisiniz!