SEO Nədir?

SEO - İngilis dilində Search Engine Optimization , hərfi tərcüməsi “Axtarış Sistemi Optimizasiyası” sözünün qısaltmasıdır. SEO-nun  əsas məqsədi saytları axtarış sistemlərində (Google, Yahoo, Bing, Yandex, Ask...) ən ön sıralarda çıxartmaqdır. SEO, axtarış motorlarında saytların və ya səhifələrin üst sıralara çıxarılması üçün edilən işləri əhatə edir. Başka sözlə də SEO, saytı axtarış sistemlərində ilk sıralara çəkmə texnologiyasıdır. Bütün sayt sahibləri axtarışlarda mümkün qədər öz saytının ilk sıralarda tapılmasını istəyir.

Burada məqsəd, saytlarda yer alan məlumat, xidmət və ya satışların daha çox kütləyə çatdırılmasını təmin etməkdir. Əsas məsələ sayt ziyatərçilərinin sayının artırılmasıdır. Ziyarətçilərin tapılması işində axtarış sistemlərinin önəmli rolu vardır. İnsanlar internetdə axtardıqları hər şeyi, o cümlədən bilmədikləri saytları tapmaq üçün axtarış sistemlərinə müraciət edirlər. Axtarış motorları da öz növbəsində bütün xırdalıqları nəzərə alaraq axtarılmış sözlərə ən uyğun nəticələri göstərməyə çalışır.

SEO-2 cür olur. Sayt daxili SEO və Sayt xarici SEO

Sayt daxili SEO

 Sayt daxili SEO-nun məqsədi səhifədə olan məlumatları düzgün formada yerləşdirmək və səhifəyə gələn ziyarətçiləri razı etməkdir. Buraya saytın məzmunu, dizaynı, müəlliflik, yazıların həcmi, açar sözləri kimi elementləri aid edə bilərik.

Məsələn "SEO Nədir?" başa salan bir məqalə hazırladığımızı fikirləşək.

*Bu yazının ilkin olaraq başlığı olmalıdır.

*Başlığın içində açar kəlimə olmalıdır. Məsələn SEO nədir və ya SEO nə üçün lazımdır? SEO necə edilir?

*Daha sonra mövzunu düzgün paraqrafalara bölünmüş halda başa salmalısınız.

*Mövzu ilə əlaqəli ən az bir şəkil olmalıdır. Şəkillər üçün HTML bölməsində Title və Alt bölməsinə məlumatlar yazılmalıdır.

*Saytınızın içindəki hər hansı bir yazıya və ya hər hansı bir digər sayta link vermək də önəmlidir. Belə olduqda saytınız axtarış motorları tərəfindən daha çox seçiləcəkdir.

                Bununla birlikdə saytınızda istifadə etdiyiniz html, css, php scriptlərin də doğru şəkildə yazılması vacibdir. Saytınızın içindəki kodlarda səhv nə qədər az olsa o qədər yaxşıdır.

Sayt xarici SEO

                Sayt xarici SEO əsas olaraq digər saytlardan sizin saytınıza verilmiş linklərdir. Yəni BackLink olaraq adlandırdığımız termindir. Axtarış motorlarına görə bir sayta nə qədər çox backlink verilmişsə bu sayt o qədər məşhur və güvənli sayt deməkdir. Ancaq bəziləri qısa zamanda saytı üçün yüzlərlə backlink alaraq süni şəkildə saytın reytinqini artıqmağa çalışır. Hətta bunun üçün pullu servislər də vardır. Lakin başda Google olmaqla axtarış motorları bunun qarşısını almağa çalışır. Əgər belə bir şey etmək istəsəniz saytınızın populyarlığı və güvənliyi axtarış motorlarına görə dəyərsiz qalacaq. 

                Saytınızı üst sıralara çıxarmaq üçün google nin qaydalarına riayət etmək lazımdır. Google orginal yazılmış saytları ilk sıralara çıxarır. Bunun üçün siz web saytınızı hazırlayarkən ilk əvvəl orginal yəni tam anlaşılan mətinlərdən istifadə etməlisiniz. Burada kopya yazılar ilk sıralarda çıxmır. Buna misal olaraq google də istənilən bir söz çağıraraq onun sıralanmasına baxa bilərsiniz. Bundan başqa axtarış sözləri mətnə uyğun olmalıdır. Virus və ya zərərli məzmun olmalı deyil.

                Google  bir saytın məşhur olmağa başladığını, ziyarətçi sayının nizamlı artmasından və sayt haqqında linklərin və məlumatların paylaşılmasından anlamaqdadır. Bu paylaşımların kanalları və sayı artdıqca həmin saytlar  axtarış sistəmlərində ən ön sıralara çıxartmaqdır.

SEO Nədir?