HAQQIMIZDA

"Bir araya gəlmək – başlanğıcdır.

Bir yerdə qalmaq – irəliləyişdir.

Birlikdə işləmək – uğurdur!"

 

Biz kimik?

2015-ci ildə fəaliyyətə başlayan WebCoder şirkəti proqramlaşdırma, qrafik dizayn, UI/UX dizayn, SEO, SEM, və bir çox başqa həllər həyata keçirən peşəkar rəqəmsal agentlikdir.

Kimlərlə işləyirik?

Yarandığımız ilk vaxtdan bu günə qədər bir çox biznes tərəfdaşımız üçün 300-dən artıq uğurlu layihə rellaşdırmağa müvəffəq olmuşuq. Qısa müddət ərzində genişlənən müştəri portfoliomuzda həm dövlət, həm də özəl sektordan yüzlərlə şirkət yer alıb. Gilan Holding, Azərbaycan Dövlət Neft Fondu, Azərbaycan Respublikasının Mədəniyyət Nazirliyi, “Qarabağ” futbol klubu və digər iri təşkilatlar bizə öz saytlarının və reklam məhsulunun yaradılmasını etibar ediblər.

Çünki biz müştərilərimizə sadəcə xidmət vermirik. Biz həm də onları biznes tərəfdaşımız kimi görürük. Müştəri məmnuniyyəti WebCoder üçün hər zaman prioritet təşkil edir. Bu səbəbdəndir ki, şirkət dəyərli müştərilərinin istəyini realizə edən və unikal layihələr hazırlayan peşəkar kadr heyətinə malikdir.

Biz nə edirik?

WebCoder şirkətinin məqsədi yüksək keyfiyyətli layihələri həyata keçirərək bir çox sahələrdə innovasiyalara nail olmaqdır. Biz müştərilərimizə İnterneti ən böyük müştəri tədarükü kanalına çevirməkdə, bu yolla da gəlirləri dəfələrlə qatlamaqda şərait yaradırıq. İşlərimizdə yaradıcı yanaşma və parlaq ideyalar həmişə vəhdət təşkil edir.

Buna necə nail oluruq?

Veb-sayt hər bir şirkətin İnternetdəki güzgüsüdür. Peşəkar komandamız təkcə saytların vizuallığını deyil, həm də şirkətlərin uğurlu fəaliyyəti üçün bütün rəqəmsal marketinq xidmətlərini təqdim edir. Biz dəyişikliklərə saytla başlayır, daha sonra digər rəqəmsal marketinq kanalları ilə saytın İnternetdəki reytinqinin qarxmasına çalışırıq.

Əgər veb-sayt şirkətə fayda vermirsə onu olduğu halda saxlamaqla şirkət pulunuza qənaət etmiş olmur. Əksinə, heç bir fayda verməyən veb-sayt onlara ziyan vurur. Serverin fəaliyyətsizliyi, işləməməsi, yeni ziyarətçilərin azlığı, açar sözlərdə optimizasiyanın olmaması saytların axtarış sistemlərində reytinqinin aşağı düşməsinə gətirib çıxarır.

Biz burada ağıllı həllər təklif edirik. Şirkətin veb-saytının redizayn edilməsindən sonra biz biznesinizə uyğun olan açar sözləri seçirik və onları axtarış sistemlərində optimizasiya edirik. Saytınızı biznes maraqlarınıza uyğun olan kataloqlarda, saytlarda, tanınmış axtarış motorlarında, eləcə də populyar sosial şəbəkələrdə qeydiyyatdan keçiririk. Bu və digər həll yolları ilə sizi fəaliyyət göstərdiyiniz sahədə İnternetin ən əsas oyunçusuna çeviririk!

 

İş prinsiplərimiz nələrdir?

Bizim iş fəaliyyətimiz 6 önəmli prinsip əsasında formalaşıb. Bu prinsiplər yarandığımız ilk gündən təyin olunub və komandaya qoşulan hər bir üzvə aşılanıb.

Prinsip 1. Bizi nəyin birləşdirdiyini anlamaq.

Prinsip 2. Ortaq məqsəd uğrunda birlikdə çalışmaq.

Prinsip 3. Komanda üzvlərinin gücünü ortaya qoymaq.

Prinsip 4. Vəzifə və öhdəlikləri tam anlmaq.

Prinsip 5. Daim öyrənmək və bildiklərini öyrətmək.

Prinsip 6. Sərbəstlik, bərabərlik və birlik.

 

Biyə bizi tərəfdaş olaraq seçməlisiniz?

Fəaliyyətdə olduğumuz bu illər ərzində müştərilərimiz arasında apardığımız sorğular əsasında tərəfdaşlarımızın bizi niyə seçdiyini müəyyən etmişik və 6 əsas başlıq altında ümumiləşdirmişik.

1. Təcrübə

Bu günə qədər yüzlərlə müştəri üçün 300-dən çox layihə reallaşdırmışıq.

2. Yaradıcılıq

Tərəfdaşlarımız üçün həmişə fərqli və yaradıcı həllər təklif etmişik.

3. Professional komanda

Komandamıza qoşulan hər bir şəxsin öz sahəsi üzrə ən az 6 il tərcübəsi var.

4. Şirkət vizyonu

Yalnız ölkə daxilində deyil, həm də ölkə xaricində bir çox şirkətlə tərəfdaşlıq etmə imkanı və potensialına sahibik.

5. Müştəri dəstəyi

Biz hər görülən xidmət üçün 1 il pulsuz texniki dəstək veririk.

6. Ən son texnologiya

Komandamızın prinsiplərində öyrənmək və öyrətmək olduğu üçün ən son texnologiyalarla işləmək bizim üçün ən vacib amillərdən biridir.

HAQQIMIZDA